今日,我真的將戒指放低了
再見
blog will change to xanga.com/dob_dob
[ 發表回應 ] | 永久連結 |
( 0 / 0 )道不同,不相為謀
呢句說話係正確
你唔係我圈子O既人,
我何必為你改變我自己變成為你圈子O既人,
浪費時間,浪費氣力
我圈內很小人,
但每每屬於心交
一年不見嗎,還能像從前一樣.
往往與人關係亦一樣,
很難一開始便可以令我放下一切防線,
每開始每人都是我的敵人.
這個想法從來也沒有變
我想過如果我要改變
那我應該從那一段路從頭開始?
應該是抹掉現在這一段,實在太難行
[ 發表回應 ] | 永久連結 |
( 0 / 0 )今日係我一對朋友踏入人生另一階段O既大日子
真係好祝福Zoie同Hilchy..
同佢地2個都識左4年有多喇,睇住佢地由最初到依家成長,
真係好感動,由其係佢2個講野時,2個都喊緊..
大家都好完全感受到佢地果重幸福,開心到喊..
Zoie有句說話講得好o岩..唔好以為咁樣就係童話o既開始,之後佢地仍然要好努力去為對方,為家庭付出..無錯呀,講得好o岩..
不過我相信你地2個都做得到o既,
總之祝你地2個白頭到老啦,永遠幸福快樂ar!!
zoie今日比起4年前,靚左幾個dup ar hahahahaha..
hil就咪又係咁上下,肥都唔見得有減= =
呢d就係美女與野獸o既組合..
我同ceci又好耐無見喇,睇到我地2個都眼濕濕...
係我地2個先會咁低能hahaha
[ 發表回應 ] | 永久連結 |
( 3.7 / 453 )今日又係咁,我真係好厭倦
到最後,你都係唔會同我一齊去觀禮
NO PROBLEM..
我所有o既朋友你係唔識o既,
而你亦會話成我討厭你所有朋友攪到你乜都無得去..
咁我呢? 最後結果又係我錯,
事事都係我錯,
我阻到你,
即係你同你朋友一齊時,完全唔想我阻到你,
而你就每一日就搵你朋友,所以就每一日都唔想我存在,
然後我同我朋友一齊時候你永遠唔會同我一齊,
結果就係到今日咁,我得自己一個,而你亦對我好反感,
事事怪我,事事話我..
咁既然係咁點解我講左咁多次一係分開一係大家冷靜下你都無反應..
我係唔係真係事事都係做錯呢..
行行下,話我發脾氣..
等等下車,你可以走左去無啦啦去左食野?
我就自己一個企o係車站..
夠啦,真係夠啦,既然我事事都錯,咁仲有乜野講
講唔夠2句你又話我煩,
講唔夠2句你又話我ON9..
咁我仲有咩講呀,
到我唔想再有咩講又話我發脾氣..
咁我講咩先O岩你聽,講咩先係無錯架
你工作辛苦,就推落我身上
咁我工作辛苦呢? 你咪當我細路仔玩泥沙,當我做O既野唔係野,
當我係O係公司ON9等出糧,當我唔撚洗做...
我真係唔洗你理我喇,夠啦好未呀
唔好再當我咁無知啦
唔好再當我無壓力無情緒啦
我唔洗你事事關心,但唔好當我唔存在,唔好當我唔係人啦..
[ 發表回應 ] | 永久連結 |
( 0 / 0 )又就黎到中秋節,一個我自細就好喜歡同時又好討厭O既日子..
由細到大O既中秋節,個個細路都去玩,
但我有份去玩O既年代就只有小學階段,
最遠咩?就係去到樓下另一邊O既球場,就係跟住呀哥去踢波..
我就自己O係一邊自閉玩..
最深刻都係有年呀WING知我無得出去,佢臨去燒野食前黎陪我O係樓梯口放煙花..
仲有O係我最細個但仍有記憶時,成班細蚊仔俾個管理員追幾呀層樓..
捉我地煲立燒著左後樓梯...其餘O既記憶..都無乜LU
剛剛搭車,就諗起上一年,同婆婆過度左佢呢生人之中,最後一個中秋...
而亦係我呢世人,最後一年有機會坐O係佢身邊而乜都做唔到O既中秋..
估唔到,話咁快又一年..
本來10月份係我永遠最開心O既月份黎,
但竟然..依家成為左我最最唔開心O既月份..
往往一諗起就會個心,好似有野拿住左..
其實我唔知點解到今時今日我都仍然係未放得低,
可能屋企人都已經覺得我無事喇,
但係我收埋自己O既問題,又係唔係真係無事呢..
永遠到某個我靜落黎O既時候,我就會不期然咁諗起,
當你地O係我身邊O既時候,我又做過D乜野呢?
最親O既都已經離我而去,同我最緊密O既都離開哂呢個世界..
究竟我餘下O既日子,仲有幾多野會離開我,
我真係再承受唔到有任何呢類事情O既發生喇..
你地又生活得好MA?
唔好怪我成日將動物當成人類啦,
因為會靜靜咁聽我講野O既,可能就只有你地...
婆婆,你又生活得好MA?
中秋節快樂!多多七八十年,我會帶個月餅給你的!
[ 發表回應 ] | 永久連結 |
( 0 / 0 )下一頁
行事曆
