，，，， 
週六, 九月 26, 2009, 11:48 PM
相對而無對話，就係咁
我好累，你都厭啦，我地啲問題解決唔到，不如真係分開啦點解我仲要咁犯賤，點解仲要咁cheap送上門

[ 發表回應 ]   |  永久連結  |   ( 2.8 / 917 )
又做 
週三, 九月 23, 2009, 05:03 PM
我要有戰死沙場而無遺憾o既決心
距離今年2月,我已經休息左7個月有多
所有工作都停左...
只係過住番工放工呢d生活
10月喇,又大一年,今個月應該要有一番作為!
又要開始過番d地獄式工作生活!
努力!!!!!

[ 發表回應 ]   |  永久連結  |   ( 3.2 / 499 )
... 
週一, 九月 14, 2009, 12:54 AM
其實有時盡可能都唔好去考我記性或者考我D觸覺啦
事我唔會記得
但人樣我就一定記得
就算只係望過一眼或者只係見過張相都好
就算我無帶眼鏡行路都好
真係唔好考我以為睇唔到見唔到認唔到..
就算我無見過果個人都好啦
當我第6感好中囉,我真係會感應到...
特別係同你有關O既人..

今日我真係對你個答案好失望
原來係假架wo一直都..
空穴來風未必無因
原來唔係你所講o既"人地當然會咁講"
而係終於o係我同你嘈交時你自己爆左出黎,
到我今日再問番,你終於都無再答我肯定o既答案

明哂..佢對你有幾咁重要我明哂
我咪第3者一個,破壞左你同佢ma,明喇!唔該哂!

[ 發表回應 ]   |  永久連結  |   ( 3.1 / 830 )
蟬聲 
週二, 七月 21, 2009, 05:00 PM
某年某月某日
我就係訓o係屋企
炎炎夏日,正午哂到你嘔時
傳黎果d蟬聲
令你,慢慢..慢慢..再慢慢咁訓著
唔洗開冷氣,唔洗開風扇,
一起身就大汗淋漓
原來最捨意就係呢種o既生活
今日突然諗起我曾經都有過呢種日子,
曾經有過咁o既一日
不過依家有幾多年,未聽到過蟬聲
未試過聽到直至訓著
果種捨意,令我念念不忘
真係好懷念以前果種無憂無累o既時光


[ 發表回應 ]   |  永久連結  |   ( 2.9 / 974 )
辛苦MA!? 
週四, 七月 16, 2009, 12:13 AM
最近真係辛苦呀!
番工個早餐永遠都係放到去放工都未食O既!?
呢個客,我真係好希望我有勇氣O係寄野俾佢時,
ZIP張中文粗口賀卡,等佢睇又睇唔明,仲以為我送張THANK YOU CARD俾佢!
真係好鬼好笑,咩客黎架呢D?
攪到我3餐食唔落..
攪到我D時間過得超快..
想死...呀!!!

真係好想快D捱過呢D時間,之後開開心心同你去旅行
多謝你呢幾日好體諒我D脾氣啦
因為我真係已經見人就想打見人就想殺喇!
嬲到嘔呀!! 又忙到死呀!!

好啦,呢個時候要訓覺喇,真係好想O係你隔離你包到我得番對眼同個鼻出黎咁訓!!
哈哈哈

PS 假如有咩事要隔離我...................
我諗...........我要住O係公司先可以喇...

[ 發表回應 ]   |  永久連結  |   ( 3.1 / 1069 )

前一頁 下一頁