今年過左一個簡單而幸福,開心而滿足o既生日..
雖然可能你覺得做得唔好,可能我會唔鍾意,
但我真係好想講,呢一切真係我好想得到o既野..
今個月事情真係發生得太多太突然...
無錯,你知道我真係唔開心,我亦知你好想令我好開心
但我已經覺得好足夠..
因為婆婆走左,真係令我明白左好多野,
我唔識得點樣去表達出黎話你知,其實我最想得到o既就係你會陪住我..
禮物? 我已經係2年半前得到左我每年o既生日禮物啦..
有d乜野俾你陪住我過更加幸福?
以前我真係覺得,生日應該有禮物收,個個都要同我講生日快樂..
要有蛋糕,要有得玩,要有生日咭,咩都要好開心先算係開心生日..
但今次...完全唔同喇..
好多謝婆婆,令我明白到,我最終最想得到係乜野..
我得到喇! 呢種感恩o既心...令到我個人真係好滿足,好大o既幸福..
更加多謝你..o係我唔開心時一直支持住我..
o係我生日時為我做左咁多傻野
我真係好鍾意睇住你果個傻樣..
見到我,唔知點算好..半笑半唔笑帶d緊張
果個樣,每次諗起我都笑得好甜!
好多謝你,mr. kago! i love you forever and ever ever...
最後同自己講番聲生日快樂啦!
要達成今年的願望呀~~~sonia
[ 發表回應 ] | 永久連結 |
( 0 / 0 )其實最初一刻至到呢一刻,我知我都仲未爆發出黎..
因為我仲有少少覺得呢件事好假..
我只記得起你那副臉容,和平時睡著覺沒有分別
我仍是好內疚的? 怎麼只是抽多少少時間陪伴你也不肯?
平時通頂又唔見我會唔肯?玩唔見我唔肯?
那天握著你的手睡著,我又變回小時候..
"婆婆,點解樓下D車聲大到呢到都聽到o既?"
你就會捉住我小手"訓啦!!!仲咁八妹"
....
順天,厚德...那2個地方,也是我最愛的,和你一樣!
[ 發表回應 ] | 永久連結 |
( 3.1 / 952 )今日遠行到荃灣和你的親戚食飯
OK呀俾JOHNNY幢左~_~
其實有好多都見過啦,
不過仍然覺得你好幸福,因為你有好多表姐表弟
我都好想,不過....
[ 發表回應 ] | 永久連結 |
( 3 / 988 );)
星期六 - 9月20日
很久沒有談及有關戲的BLOG,
晚上終於看了MAMMA MIA!
其實自己一向對歌舞的戲不太喜歡,
但如除去個人觀感,這戲是感動的,
特別是開場的那一曲,扣人心弦!
戲內的環境是我一向響往的!
走在街上可以赤腳,
可以走過森林高山然後向海中跳下,
那生活我相信這一輩子也沒有機會嘗試!
我就是喜歡這種生活的人,愈簡單愈美好!
星期日,看了<追擊者>優先場
也許只有韓片才能有這種結尾
港片的結局一定沒有可能讓女人慘死
見解如下
因為韓國這地方一向重男輕女的觀念十分十分重
戲內就算女人怎麼死掉也不緊要
因男人是重要的,女人亦不能哼半句
假如各位情侶到韓國旅行,如果女士瘋狂掃貨後
慢慢不可掉給男人拎,那會白白俾人打了也不知發生什麼事!
可想而知,在韓國那重男輕女的觀念,
套在電影上,是什麼回事
幸好我是生於香港! 香港的女孩子都是幸福的!
真希望明晚能看<叛逆激情 - 她與戴安娜的命運>的優先場
最近太累,看戲能令我放鬆一點!!!
[ 發表回應 ] | 永久連結 |
( 3 / 766 )最近想到好多有關責住的問題
從小到大,我地每個人都背負住不同O既責任
在學校,責任係要做好學生
在家,係責任要做好孩子
對情人,係責任做好女/男朋友
大個喇,出黎工作,打工要做好打工仔
做老闆要做到照顧到員工O既好老闆
我仲未結婚,個責任心依家只係去到做員工個位置..
但已經覺得,原來係好大壓力..
以前細個,我會覺得照顧屋企人,會落去哥哥身上
因為佢係仔,仲要係大仔..所以老時照顧呀爸同呀媽佢責任比我更大
但最近..心態有d唔同
哥哥再過多幾年就會經曆結婚,
佢亦有一個家庭,要照顧老婆仔女..
如果佢仲要兼顧埋照顧呀爸呀媽真係會好辛苦..
我第時大個都會係外嫁女..俾人照顧多過我去照顧人啦..
即係照顧屋企人o既責任,真係應該由我黎擔起先o岩
我大個喇,唔通仲事事依賴呀哥??
仲要靠爸爸媽媽養??
佢地已經養我22年喇,我係時候要還呢22年俾幸福佢地..
何況唔單止要照顧爸爸媽媽,我更希望可以同哥哥一齊夾份供層樓
起碼第時,佢結起婚上黎唔會供得辛苦,好彩的話好快就供好..
佢一結婚更加唔洗擔心任何事先~
上有呀爸呀媽同呀哥,下有表弟/妹..我知個表妹會好叻自己攪得掂,
但大表弟呢??唔知點解,我覺得自己都好有責任要照顧埋佢...
做家人只有一世..由我決定擔起呢個重擔時,我無諗過會再放手
同一樣,做情侶都係得一世,不論我同你有無結果
下一世係唔係都係有緣都好..呢世o既野..無可能帶到下一世先報
我知你真係好錫我對我好好,仲好緊張我!
我會盡我能力,去對你更好更好,唔再成日發你脾氣激嬲你..
多謝你真係好錫好錫我,我亦知我唔會搵到任何一個更加好的人
我會好好珍惜你,唔會令你再有唔開心o既一刻!!!
i love you yick david
[ 發表回應 ] | 永久連結 |
( 0 / 0 )前一頁 下一頁
行事曆
